आमच्याविषयी

गुणवत्ता हेच खरे शिक्षण

ध्येयवेड्या ग्रामीण भागातील तरुणांनी सर्वांगीण ग्राम विकासाचे उद्धिष्ट नजरे समोर ठेऊन 'श्री. गुरुदत्त ग्रामविकास प्रतिष्ठान' जातेगाव बु., ता. शिरूर, जि. पुणे या शैक्षणिक, सामाजिक, सांस्कृतिक, कला, क्रीडा, आरोग्य, शेती, इ. क्षेत्रात काम करणाऱ्या सेवाभावी संस्थेची स्थापना केली आहे. गावामध्ये जेमतेम इ. ७ वी पर्यंतच शिक्षणाची सोय असल्याने व पुढील माध्यमिक व उच्च माध्यमिक व अन्य पदव्यूत्तर शिक्षणासाठी शहरी भागाचा रास्ता गावातील होतकरू हुशार विद्यार्थ्यांना धरावा लागत असे. पिढीजात आर्थिक दारिद्रीपणा, शैक्षणिक दृष्टिकोनाचा पालकांमध्ये आभाव व इयत्ता ७ वी नंतर १०% सुद्धा विद्यार्थी माध्यमिक विद्यालयात दाखल होत नसल्याची खंत विशेषतः आमच्या विध्यार्थी भगिनींचे सामाजिक अडचणीमुळे उच्च कुवत व हुशार असुनही सक्तीचे शेतीकाम, घातक या गोष्टी डोळ्यासमोर जात नसत. त्यासाठी विध्यार्थी भगिनींसाठी किमान माध्यमिक शिक्षणाची सोय करण्याचा दृष्टीने सन १९९७ मध्ये 'श्री. गुरुदत्त ग्रामविकास प्रतिष्ठान' या संस्थेची स्थापन करण्यात आली.

'एकात्मिक ग्राम विकास' हे संस्थेचे ध्येय आहे. ध्येय प्राप्तीसाठी शिक्षण हे माध्यम आहे. म्हणूनच अथक प्रयत्न करून व सामाजिक विकासाची जाणीव असलेल्या तज्ञ् व्यक्तिजनांच्या मार्गर्दर्शनाखाली संस्थेने छत्रपती संभाजीराजे माध्यमिक विद्यालय सन १९९९ मध्ये शासन परवानगी सह उपलब्ध छोट्या जागेत सुरु केले.